Workshopi me temë “Krasitja e hardhisë në fazën e gjelbërt” u organizua në ambjentet e Kooperativës Sapa Zadrima në Krajen, në bashkëpunim me personelin e kooperativës dhe me pjesëmarrjen e fermerëve të vegjël të zonës së Zadrimës, të interesuar në këtë proçes. Workshopi u drejtua nga konsulenti i projektit Bledar Laçi dhe u zhvillua në dy faza:
- Faza teorike, ku u trajtuan argumenta në lidhje me rëndësinë e proçesit të krasitjes në fazën e gjelbërt, ndikimin që ka ky proçes në rritjen e cilësisë së rrushit dhe prodhimit të verës, fazat e krasitjes dhe mënyrat e duhura për të realizuar një rinovim korrekt të vreshtit, etj.
- Faza praktike, ku u demostruan shembuj praktikë të krasitjes në vresht, si prerja e majave të bistakëve të hardhisë, të rritura më shumë në krahasim me strukturën e saj, gjë e cila lejon një përqëndrim më të lartë të substancave ushqyese dhe përshpejton rritjen e frutit si dhe eleminimi i gjetheve në mënyrë që të absorbohet një sasi më e madhe e energjisë diellore gjatë proçesit të fotosintezës.
Pjesëmarrësit ishin aktivë në këtë workshop duke u përfshirë me pyetje dhe diskutime si dhe shprehën interes për vazhdimin e takimeve të tilla.
Project supported with funds from Otto per Mille of the Waldensian Church of Italy